Адзін з самых ранніх вершаў.

Шум вёслаў

Шапочуць вёслы ў гушчэчы хваль -
І шум, і сонца, і спеў, і даль!

Вось так і трэба, вось так і ёсць:
Супроць нябёсаў, зямлі на злосць!

Накрасці перлаў на самым дне
І ў хвалі кідаць, што б’юцца ў сне,

І потым слухаць - хоць і мана! -
А ці крануцца са стогнам дна?

( Read more... )

...ад нейкага загадкавага Джоні С. ці то з Мід-Лотыяна, ці то з Бэрвіка на Твідзе, чытаная ўчора на прэзентацыі "Бэўвульфа". Арыгінал у нэце ёсць толькі на гугл-букс, калі каму цікава, шукаць можна па першым радку: "Is Allan risen frae the dead". Апярэджваючы магчымыя пытанні, скажу, што радок "Належна ты злучаеш словы" ў арыгінале гучыць як "An' ( Read more... )

Бо набіраць лянотна. У межах вывучэння шведскай мовы.

Upd.

Ленарт Сьёгрэн
(Нар. 1930)

Кот з крыламі

Кот з крыламі
падобны на Цішу
прыйшоў пад вечар, спытаў:
я магу тут трохі пабыць
ёсць тут якая рыба
ці іншая душа - з’есці
магу я ўзяць з сабой
сваю ноч?
А я дазволю вам паслухаць
як я вуркачу
калі выгінаю ў сне кіпцюры
а крылы хаваю
у поўсць.

У гэтага пераклада вельмі смешная гісторыя. Калі ў 2010 ПС вырашыў уручаць уласную прэмію за пераклады, і стала вядома, што feduta прыйдзе на ўручэнне ў касцюме белага трусіка, я пачала ліхаманкава шукаць хоць нейкі "трусіны" верш. Адзіным такім вершам, які трапіўся мне тады пад руку, аказаліся "Трусікі" Тэадора дэ Банвіля. Але перакласці яго да ўручэння ( Read more... )

Калі раптам нехта надумае вывучаць шведскую мову, страшна раю вам узяць сабе рэпетытарам якую-небудзь basarymkales. Іх, канечне, няшмат і на ўсіх не хопіць, але паспрабаваць варта. У такім разе індывідуальны падыход да працэсу навучання будзе забяспечаны. Учора, апроч цэлай кучы іншых практыкаванняў, мусіла перакласці на беларускую мову адзін верш Тумаса ( Read more... )

Урэшце магу сказаць, што зусім-зусім скончыла "Замак Отранта" Хораса Ўолпала - і пераклад тэкста, і каментары, і пераклад цытаваных паэтычных уставак. Апошняй саломінкай стаўся пераклад санета-прысвячэння блізкаму сябру аўтара Мэры Коўк. Напісаны ён, відаць, левай пяткай, ці нават не, напісаны ён чалавекам, ад паэзіі далекаватым, але які, як і любы ( Read more... )

Нешта даўно ў мяне не было нічога з нідэрландскай. У гэтай казцы можна было б нават пашукаць мараль, калі б гэта не быў Тон Тэлеген :) Карацей, казка, свежа-, так бы мовіць, -перакладзеная.

Тон Тэлеген

З кнігі "Амаль усе ўмеюць падаць"

***- Слухай, аса, а табе таксама часам баліць джала? - аднаго разу спытала ў асы пчала ( Read more... )

Люблю пісаць каментары (калі іх, безумоўна, няшмат, а не столькі, колькі трэба было для зборніка Эдгара По). Мне страшна падабаецца шукаць цытаты, да якіх адсылае аўтар, альбо выбіраць з біяграфіі згаданага ў тэксце пісьменніка менавіта тыя моманты, якія могуць патлумачыць, чаму ён уласна згаданы. Асобны момант - гэта калі цытаты па-беларуску няма ( Read more... )

Чарговы раз рэдагую свайго Дыкенса, які ён усё ж такі няшка:

На гэтым шчаслівым моманце стары Фезівіг запляскаў у далоні, каб спыніць танец, і пракрычаў “Цудоўна, цудоўна!”, пасля чаго скрыпач з галавой нырцануў у адмыслова прыгатаваны для гэтага куфаль піва, аднак пагарджаючы любым адпачынкам, тут жа з яго вынырнуў, і хаця танцоры яшчэ не сабраліся ( Read more... )

Вось так амаль незаўважна для мяне пераклалася чацвертая частка. Засталося ўсяго нічога - апошняя пятая.